seirler.info
A yara məndən
(Aşıq Ələsgər)
Müxənnət, seyraqub, xainü xəbis
Nə yaman qandırıb a yara məndən.
Lənətullah, ləin, şeytani-iblis
Nə dedi, dost kəsdi ay ara məndən.
Məcnun "Leyli" deyib, bu dağı bilər,
İçən zəhrin dadın, budu ağı, bilər.
Gəzən ürəyimdə bu dağı bilər,
Arayıb axtarsan, ay ara məndən.
Ələsgər, təqsirin oldu nə, ayə?
Kim inansın, qəsəm edim nə ayə?
Bu ahım qalmasın ilə, nə ayə,
Sağalmaz bu düyün, a yara məndən.
#SevgiŞeirləri|#AyrılıqŞeirləri|#VətənpərvərlikŞeirləri