seirler.info

    (Nüsrət Kəsəmənli)
    
    De kim saxlayacaq məni bu yoldan?
    Bağla yollarımı, bağlaya bilsən.
    Əl açıb məhəbbət dilənmədim ki,
    Bağla qollarımı, bağlaya bilsən.

    Bu sevgi köhnədir, bu ülfət yeni,
    Bal bilir sən verən qüssəni, qəmi.
    Öldürsən, ruhum da sevəcək səni
    Bağla dillərimi bağlaya bilsən.

    Dənizəm, dalğama bərən düşübdü,
    Saçların kəmənddir, görən, düşübdü,
    Güllərim bağçamda pəran düşübdü,
    Bağla güllərimi, bağlaya bilsən.

    Gün gələr, inadım hey yorar səni,
    Həsrət mənim kimi soldurar səni,
    Kor olsam əllərim axtarar səni
    Bağla əllərimi, bağlaya bilson.

    Sevgisiz bir ürək, evsiz yetimdi.
    Sənsiz yaşamağım, mənə çətindi,
    Bu dünya əvvəldən ölüm-itimdi,
    Ağlayarsan mənə, ağlaya bilsən.



    ____________________________________________
    Teqlər:  Nüsrət Kəsəmənli şeirləri ,
      Nusret Kesemenli, seirler,
      Nusret Kesemenli seirleri,
      bağlaya bilsən şeiri, baglaya bilsen,
      Nüsrət Kəsəmənli bağlaya bilsən, 
      ayrılıq şeirləri, şeir,
      sevgi şeirləri, super şeir
    
#SevgiŞeirləri|#AyrılıqŞeirləri|#VətənpərvərlikŞeirləri