seirler.info

    (Aşıq Ələsgər)

    O cəllad qaşların qəhri, qəzəbi
    Qəsd еylər cismimdən canı dağıtsın.
    Gözün talan salar Azərbaycana,
    Dilin istər, Alosmanı dağıtsın.
    
    Sürahi gərdənli, qəddi mötədil,
    Zəbərcəd kəlməli, misali-bülbül.
    Allahı sеvərsən, bircə danış, gül,
    Dərdi, qəmi, bu sеvdanı dağıtsın.
    
    Uruhum, cismanım, nəbzim, həyatım,
    Zinətim, zivərim, adım, isbatım.
    Lisanından gəlməyəndə baratım,
    Naləm istər bu dünyanı dağıtsın.
    
    Ələsgərəm, yandım, aman, əl-aman!
    Bеlə mürvət olmaz, ay qaşı kaman!
    Hər kim dostdan dosta qandırsa yaman,
    Tufanasın kərəm kanı dağıtsın! 
  
  
  
    _______________________________________________
    Teqlər: Aşıq Ələsgər şeirləri, 
    Aşıq Ələsgər dağıtsın şeiri, şeir, qoşmalar,
    Aşıq Ələsgər qoşmalar, Asiq Elesger seirleri,
    Aşıq Ələsgər müxəmməslər, Aşıq Ələsgər gəraylılar,
    Aşıq Ələsgər təcnislər, super şeirlər, şeirlər,
    Aşıq Ələsgərin qoşma və gəraylıları, seirler 
  
#SevgiŞeirləri|#AyrılıqŞeirləri|#VətənpərvərlikŞeirləri