seirler.info
Deməliydim
(Sevinc Azadlı)
Nəsə deməliydim sənə o axşam,
Getmə deməliydim, qal deməliydim!
Fərman ver, hökm oxu, dar ağacı qur,
Boynuma kəndiri sal deməliydim,
Canımı əlinlə al deməliydim!
Məni olmamışdı heç belə yıxan,
İncidib qəlbimi, köksümü sıxan,
Duzu üz-gözümü yandırıb yaxan,
Həsrət şərbətinə bal deməliydim?!
Canımı əlinlə al deməliydim!
Mən piyada oldum, sən isə atlı,
Mən hüz(ü)n içində, sən toy -büsatlı,
Sənlə mənim başım zirvəyə çatdı,
Al məni yerlərə çal deməliydim,
Canımı əlinlə al deməliydim!
27.02.2025
_______________________________________________
Teqlər: Sevinc Azadlı şeirləri
#SevgiŞeirləri|#AyrılıqŞeirləri|#VətənpərvərlikŞeirləri