seirler.info
Dünən toyun idi
(Nüsrət Kəsəmənli)
Sağlıqlar deyildi çığır- bağırla,
Üşüyən qəlbinə girən oldumu?
Gözündən qəlbinə düşən cığırla
Axan göz yaşını görən oldumu?!
Sağlıqlar uzandı...
səhərə kimi
Çalıb-oynadılar,kef eylədilər.
Çırpıb pillələrə son ümidim
"Vağzalı" üstündə dəfn eylədilər.
Son ümid!
O məni gərəyim idi...
Yoluna şam tutdu neçə qız- gəlin
Şam deyil.
o mənim ürəyim idi;
Son dəfə yanırdı yolunda sənin.
Getdin...
O köhnə yol nur yolu idi...
İzin düşən yerdə gül açmadı ki?!
Özgəylə keçirdin o yolu indi,
Ayağın altından yer qaçmadı ki?!
Bu yollar nə yaman vəfasız imiş,
Niyə çiliklənib tökülmədilər.
Düşüb qədəminə hər yoxuş, eniş
Niyə ürəyimə çəkilmədilər...
Başına gül- çiçək səpdilər o gün,
Alışan qəlbinə su səpmədilər.
"Get" deyib
alnından öpdülər o gün
Sınıq taleyini duzəltmədilər...
Güldün...
gülüşünun ömrü çox qısa
Bir həsrət axırdı qanında sənin.
Orda bütün yerlər tutulmuşdusa
Yerim görünürdü yanında sənin.
Dünən toyun idi...
Xoşbəxt olasan!
Görünür bu bizə qismət deyilmiş
Unut!
Elə bil ki,
sevdiyin oğlan
Getdiyin oğlanmış,
Nüsrət deyilmiş...
_____________________________________
Teqlər: Nüsrət Kəsəmənli şeirləri ,
Nusret Kesemenli, seirler,
Nusret Kesemenli seirleri,
dünən toyun idi, dunen toyun idi,
təsirli şeir dünən toyun idi,
Nüsrət Kəsəmənli dünən toyun idi,
ayrılıq şeirləri, şeir,
sevgi şeirləri, super şeir
#SevgiŞeirləri|#AyrılıqŞeirləri|#VətənpərvərlikŞeirləri