seirler.info

    (Xəlil Rza Ulutürk)
    (Həyat yoldaşı Firəngiz xanıma yazdığı şeir...)
    
    Xoş gəlmisən, ömrüm-günüm,
    Xoşbəxtliyim, səsim-ünüm.
    Nəfəs dər, başına dönüm,
    Bu gəlişin hünər oldu.
    
    İşıqlan, ey könlüm-gözüm,
    Sübh açıldı, səhər oldu.
    Çin çıxacaq yuxum bugün,
    Mənim yarım gələr oldu.
    
    Bu gəlişin heyranıyam,
    Qədəminin qurbanıyam.
    Bir saatlıq mehmanıyam,
    Bəxtim yenə gülər oldu.
    
    Oxşayacam tellərini,
    Sıxacağam mərd əlini.
    Öz könlünün həmdəmini,
    Dustaq bir də sevər oldu... 
  
  

    ______________________________________________
    Teqlər:  Xəlil Rza Ulutürk şeirləri, 
    Xəlil Rza Ulutürk Xoş gəlmisən, ömrüm-günüm, 
    xos gelmisen omrum gunum seiri xelil rza uluturk, 
    seirler,sevgi şeirləri, şeirlər, sevgi şeiri, 
    xəlil rzanın həyat yoldaşı firəngiz xanıma yazdığı şeir
  
#SevgiŞeirləri|#AyrılıqŞeirləri|#VətənpərvərlikŞeirləri