seirler.info
Gözəldir
(Əliağa Vahid)
Hər aşiqə öz istədiyi yarı gözəldir,
Hər bülbülə öz sevdiyi gülzarı gözəldir.
İlqarı gözəl olmayanı istəməz aşiq,
Can ver elə cananə ki ilqarı gözəldir.
Mən bir uca boylu gözəlin zülfünə bəndəm
Rüxsarı gözəl, şivəsi, rəftarı gözəldir.
Yüzlərlə gözəl başqa vilayətdə də çoxdur,
Amma bizim ölkə bütün – elcari gözəldir.
Yar olsa mənimlə mənə biganə nə eylər?
Uçmaz elə bir xanə ki memarı gözəldir.
Mən istədiyimçün o gülü qeyri də sevdi
Qiymətli o şeydir ki xiridarı gözəldir.
Vahid, mənə insaf elə, sima ilə baxma,
Əhsən elə bir şairə əşarı gözəldir.
_______________________________________________
Teqlər: Əliağa Vahid qəzəlləri,
gözəldir qəzəli,qəzəl,qəzəller,
Əliağa Vahid gözəldir qəzəli,
Eliaga Vahid,gozeldir qezeli,
Vahid qəzəllər,super qəzəllər,
Vahidin qəzəlləri,sevgi qəzəlləri