seirler.info

    (Nüsrət Kəsəmənli)
    
    O yalançı illər günə dəyməzmiş,  
    Gül verdim, verdiyim gülə dəyməzmiş,  
    Gözümdə çağlayan selə dəyməzmiş,  
    Heyif o sevgiyə, o məhəbbətə.

    Bir dəfə ürəkdən gülə bilmədim,  
    Könlümü kimsəyə verə bilmədim,  
    Səndən başqasını sevə bilmədim,  
    Heyif o sevgiyə, o məhəbbətə.

    Sənsiz gecələrim yuxu bilmədi,  
    İçimdə  alışan ahı  bilmədi.  
    Mən bildim, sən bildin, çoxu bilmədi,  
    Heyif o sevgiyə, o məhəbbətə.

    Özümün özümdən acığım gəlir,  
    Dostlarım kədərli,düşmənim gülür.  
    Ölən sevgimizə yazığım gəlir,  
    Heyif o sevgiyə, o məhəbbətə.

    Sultanlıq taxtımız devrildi necə,  
    Küləksiz, tufansız sovruldu heçə.  
    O sevgi nifrətə çevrildi necə,  
    Heyif  o sevgiyə, o məhəbbətə...


    _____________________________________
Teqlər:  Nüsrət Kəsəmənli şeirləri , 
        Nusret Kesemenli , seirler ,
        Nusret Kesemenli seirleri ,
        heyif o sevgiyə şeiri , heyif ,
        heyif o sevgiyə o məhəbbətə ,
        Nüsrət Kəsəmənli heyif o sevgiyə , 
        ayrılıq şeirləri , şeir ,
        sevgi şeirləri , super şeir

#SevgiŞeirləri|#AyrılıqŞeirləri|#VətənpərvərlikŞeirləri