seirler.info
İnanma
(Aytəkin Səfərəliyeva)
Nə qədər vəzifə sevdalısı var
İnsan əzə-əzə başda oturub.
O qədər vəzifə sahibi var ki,
Quru məzarlıqda daşda oturub.
Yalanın kölgəsi özün qorxudar
Doğru səbr eyləyib, bəhrəsin görər.
Dünyanın malına tamah edənlər,
Allahın qəzəbli çöhrəsin görər.
Taxtalar çürüyər, dəmir pas tutar.
Yetimə yaxın gəl deyən çox olar.
Mən axı görmüşəm çətinə düşsən
Uzaq da, yaxın da qaçıb yox olar.
Hər qara geyinən düşməm sayılmaz
İmamı qırmızı geyən öldürüb.
Hər dosta inanma keçib arxaya,
Arxanda mən varam deyən öldürüb.
_______________________________________________
Teqlər: Aytəkin Səfərəliyeva şeirləri
#SevgiŞeirləri|#AyrılıqŞeirləri|#VətənpərvərlikŞeirləri