seirler.info

    (Nüsrət Kəsəmənli)
    
    Bu təbəssüm bir çiçəyin izidi,
    Ala gözün bulaqların gözüdü,
    Ürəyimdə məhəbbətin özüdü,
    Ürəyimlə bacarmıram neyləyim?

    Hər eyhamın bir tilsimə açardı,
    Dil bilsəydi daş da könül açardı.
    Ağlım səndən uzaqlaşar, qaçardı,
    Ürəyimlə bacarmıram, neyləyim?

    Bu ülfətin sonu hicran deyil ki,
    Dilim tutmur istəyimi deyim ki.
    Sənə gələn yollarımı əyimmi?
    Ürəyimlə bacarmıram, neyləyim?

    Gözləyirəm...
    Hər dəqiqəm il olur,
    Sən gəlirsən, hər ləpirin gül olur.
    Qəlbim yenə əlibağlı qul olur,
    Ürəyimlə bacarmıram, neyləyim?

    Uşaqlığın havası var başında,
    Ürəyimin xəncəri var qaşında.
    De, sevimmi mən indi bu yaşımda?
    Ürəyimlə bacarmıram, neyləyim?
  
  
  
    _____________________________________
    Teqlər:  Nüsrət Kəsəmənli şeirləri , 
            Nusret Kesemenli , seirler ,
            Nusret Kesemenli seirleri ,
            neyləyim şeiri , neyleyim seiri ,
            Nüsrət Kəsəmənli sevgi şeirləri ,
            Nüsrət Kəsəmənli neyləyim şeiri , 
            ayrılıq şeirləri , şeir ,
            sevgi şeirləri , super şeir
#SevgiŞeirləri|#AyrılıqŞeirləri|#VətənpərvərlikŞeirləri