seirler.info
O adamam
(Rəşad Azəri)
Bu sevdanın sövdəsinə qol çəkən,
Bu könüldən o könülə yol çəkən,
Acıların üzərinə bal çəkən
O adamam...
Arzuları, ümidləri boş olan,
Naəlacın əlacına baş olan,
Ağlayanın gözlərinə yaş olan
O adamam...
Dərdlilərin dərdin qəlbə ötürən,
Dünya yükün öz çiyninə götürən,
Haqsızları haqq yoluna gətirən
O adamam...
Düşməninə yara vurub dağlayan,
Həyatını sevgisinə bağlayan,
Röyasında şeir yazan, ağlayan
O adamam...
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri