seirler.info
Qayıt gəl
(Rəşad Azəri)
Bir ürək var, yanır sevgi adına,
Möhtac qalıb məhəbbətin dadına.
Salma məni tənhalığın oduna,
Gözlərinə qurban olum, qayıt gəl...
Bu həyatın acısına dözmüşəm,
Enişini, yoxuşunu gəzmişəm.
Çarəsizəm, bütünlüklə bezmişəm,
Bağlanıbdır həyat yolum, qayıt gəl...
Camalını milyon kərə sevmişəm,
Çiçəyini dərə-dərə sevmişəm.
Bu dünyanı sənə görə sevmişəm,
Ömrüm şəkər, çiçək balım, qayıt gəl...
Əsdir, Tanrım, ömrə bahar yelini,
Uzat mənə mənsiz qalan əlini.
İncitmərəm sevgi deyən dilini,
Səninlə bir ömür qalım, qayıt gəl..
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri