seirler.info

    (Nəriman Həsənzadə)

    Ürəyim ananı istəyir qızım,
    Sən yaşa, dünyada qəmsiz kədərsiz,
    Bir səs qulağıma döz deyir, qızım,
    Mən dözdüm, yaş ötdü məndən xəbərsiz.
    
    Qaşlarım qaradı, saçlarım ağdı,
    Təbiət şəkilimi çəkir yenidən.
    Hamı bu dünyada qocalacaqdı,
    Amma tək qocalmaq dərd verir hərdən.
    
    “Dağlar” deye-deye mən dağ aşmışam,
    Hanı tale dostum, ürəkdən gülən?!
    Dünyada yaşayıb dünyalaşmışam,
    Dünyayla düz gəlmir daha mən deyən.
    
    Daddim acısını şirin həyatın,
    Hələ bu acıdan doyan olmayıb.
    Qızım qardaşınla sən olmasaydın,
    Deyərdim dünyada anan olmayıb.
    
    Daha yaş artdıqca, səbrim azalır.
    Yaş aşdı…Neyləsin yaş əyir,qızım,
    Qadınsız ata da anasız, qalır
    Ürəyim ananı istəyir qızım...
  
  
  
    ______________________________________________
    Teqlər: Nəriman Həsənzadə şeirləri, 
    Nəriman Həsənzadə Ürəyim ananı istəyir qızım şeiri,
    ureyim anani isteyir qizim neriman hesenzade,
    şeirlər,şeir,neriman hesenzade seirleri,qizim şeiri
  
#SevgiŞeirləri|#AyrılıqŞeirləri|#VətənpərvərlikŞeirləri