seirler.info

    (Bəxtiyar Nemətli)

    Sənli axşamların adı ömürdü,
    Qaranlıq düşəndə sənə yan alır.
    Hər çökən gecədən güc alıram mən,
    Gör neçə səhərim sənsiz yaranır...
    
    Sən gecə ruhuma doğan ay kimi,
    Tutqun səssizliyə olursan həmdəm.
    Neçə axşamlarda gəncləşir ömür,
    Neçə sabahlarda qocalıram mən.
    
    Yolu gecələrdən keçən bu ömrüm,
    Heyif ki gödəlir, yaman tez ötür.
    Gündə neçə kərə mənim xəyalım,
    Sənin bağlı qalan qapında bitir.
    
    Göyün üzündəki ulduz kimisən,
    Əlim də çatmır ki səni dərməyə.
    Bilirəm sabahlar yoxa çıxırsan,
    Mən gecə gəlirəm səni görməyə.
    



    ______________________________________________
    Teqlər: Bəxtiyar Nemətli şeirləri, 
    Bəxtiyar Nemətli sənli gecələr şeiri,
    senli geceler seiri Bextiyar Nemetli,
    bextiyar nemetli seirleri,şeirlər,şeir
  
#SevgiŞeirləri|#AyrılıqŞeirləri|#VətənpərvərlikŞeirləri