seirler.info
Sevirəm
(Elvin Elxanoğlu)
Bilir aləm ki, onun eyni-vüsalın sevirəm,
Sevirəm, mən o qızın hüsnü-camalın sevirəm.
Nə qədər naz elesə, az olar, əlbət ki, ona,
Mən o gül üzlü yarın qəmzəli halın sevirəm.
Kim görür çeşmini Məcnun kimi divanə olur.
Mənsə gözlərdə olan mehr-məalın sevirəm.
Demirəm Leyli olub aşiqinə zülm eliyə,
Əlbət ki, nazlı yarın vəsli-xəyalın sevirəm.
Nə qədər mahi-taban olsa, mənə fərq etməz,
Elvinəm, mən gözəlin əqli-kamalın sevirəm.
#SevgiŞeirləri|#AyrılıqŞeirləri|#VətənpərvərlikŞeirləri