seirler.info
Soruşma hardaydım!
(Sevinc Azadlı)
Gözünün önündə görünməz oldum?!
Soruşma hardaydım mən bu vaxtacan!
Mənim zulmətimdən aydınlıq doğdu
Adını düşünüb, zikr etdim haçan.
Cavabı olmayan sualım oldun,
Uğruna şam kimi əridi bu can.
Yerdən ərşə qalxan dualarımdı
Sənin yollarına işıq, nur saçan.
Bir qara buludtək başımın üstə
Qisnətdi şimşəklər çaxdırıb keçən.
Gözümdü yağışdan yağmura düşən,
Fikrim, xəyalımdı göylərdə uçan.
O məndim min ildir yolun gözləyən,
O məndim səninçîn qolların açan.
O səndin sevgimi görməzdən gələn,
O səndin biz adlı qismətdən qaçan.
15.12.2024
_______________________________________________
Teqlər: Sevinc Azadlı şeirləri
#SevgiŞeirləri|#AyrılıqŞeirləri|#VətənpərvərlikŞeirləri