seirler.info

    (Nüsrət Kəsəmənli)
    
    Nədir gözlərində bu qəmli sual, 
    Unut kədərini, qəmini unut, 
    Hələ ki ömründə mən varam sənin, 
    Unut kədərini, qəmini unut. 
    
    Bu da bir zamandı gəlib gedəcək, 
    Sevincin kədərə gülüb gedəcək, 
    Bu qəmli günlərin ölüb gedəcək, 
    Unut kədərini, qəmini unut. 
    
    Elə bil dağsan ki, vüqar yaraşır, 
    Söylə, taleyində kimlər dolaşır? 
    Sən elə işıqsan görənlər çaşır, 
    Unut kədərini, qəmini unut. 
    
    Dağlardan gəlmişik çəni unutma, 
    O şirin çağları, dəmi unutma. 
    Qurban gözlərinə, məni unutma, 
    Unut kədərini, qəmini unut...
  
  
    _____________________________________
    Teqlər:  Nüsrət Kəsəmənli şeirləri ,
            Nusret Kesemenli , seirler
            Nusret Kesemenli seirleri ,
            unut kədərini ,
            unut kederini , ayrılıq şeirləri
            sevgi şeirləri , super şeir
#SevgiŞeirləri|#AyrılıqŞeirləri|#VətənpərvərlikŞeirləri