seirler.info

    Apardı könlümü bir çeşmi-məxmur,
Kim ola istəməz ol hüsnə məğrur.

Şərabi-lə’linizdən cür’ə içdi,
Ənəlhəq çağırır eşqində Mənsur.

Həqin əsrarını mən anda gördüm
Ki, Musa söylər idi bər-səri-Tur.

Sənin eşqində, ey Leylisifətli
Ki, Məcnun olmuşam aləmdə məşhur.

Çü Isa nöh fələk çərxinə çıxdım,
Cahanı sərtasər gördüm pür əz nur.

Nəsiminin cahanda yarı sənsən
Ki, sənsən cənnətü cənnətdəki hur.



_________________________________________
Teqlər:  Imadəddin Nəsimi qəzəlləri , 
İmadəddin Nəsimi , qəzəllər , qezeller ,
İmadeddin Nesimi qezelleri , qəzəl , qezel ,
apardı könlümü qəzəli , nəsimi apardi konlumu 

#SevgiŞeirləri|#AyrılıqŞeirləri|#VətənpərvərlikŞeirləri