seirler.info

    Camalın fitnəsi tutdu cahanı,
    Çıxardıb pərdədən razi-nihanı.
    
    Nedər aşiq cahanü canı sənsiz,
    Ki, sənsən aşiqin canü cahanı.
    
    Ləbindir çeşmeyi-heyvan, vəli şükr
    Ki, hər heyvantəbiət bilməz anı.
    
    Ləbi-lə’lin şərabın içənə sor
    Ki, kimdir içən abi-zindəganı.
    
    Susamış qanıma lə’lin eşitdim,
    Bu dövlət aşiqi-miskinə qanı?
    
    Görün kim, qəmzəsilə yuxusundan
    Oyardı fitneyi-axırzamanı.
    
    Əgərçi binişansan, kimsə hərgiz
    Nişansız bulmamışdır binişanı.
    
    Vüsalındır, vüsalındır, vüsalın,
    Nəimi-xüldü ömri-cavidani.
    
    Nəsiminin məkanı laməkandır,
    Məkansız aşiqin həqdir məkanı.
  


    _________________________________________
    Teqlər:  Imadəddin Nəsimi qəzəlləri , 
    İmadəddin Nəsimi, qəzəllər, qezeller,
    İmadeddin Nesimi qezelleri, qəzəl, qezel
  
#SevgiŞeirləri|#AyrılıqŞeirləri|#VətənpərvərlikŞeirləri