seirler.info

    Sənin eşqindir, ey dilbər, mana həm mürşidü həm pir,
    Qəfil mən eşqinə düşdüm, nədir çarə, nədir tədbir?
    
    Yatırkən dün gecə gördüm siyah zülfünü boynumda,
    Oyandım dedim, ey dilbər, nədir bu rəmzimə tə’bir?
    
    Divanə oldu dəli könül, saçın zəncirinə bağla,
    Mənim könlüm dəlisinə sənin zülfün teli zəncir.
    
    Vücudum padişahisən, könül verdim, səni sevdim,
    Sənə könül verən aşiq qaçan can eyləyə təqsir?
    
    Nəsimi, namusü arı əgər aşiq isən tərk et,
    Aşiqlər boynuna biçmiş məlamət donunu təqdir.



    ______________________________________________
    Teqlər:  Imadəddin Nəsimi qəzəlləri , 
    İmadəddin Nəsimi, qəzəllər, qezeller,
    İmadeddin Nesimi qezelleri, qəzəl, qezel,
    sevgiyə aid qəzəl, sevgi qəzəlləri
  
#SevgiŞeirləri|#AyrılıqŞeirləri|#VətənpərvərlikŞeirləri