seirler.info

    
    Canda ki, eşq olmadı, dildə xəbər nə faidə?
    Gözdə ki, görmək olmadı, nuri-bəsər, nə faidə?
    
    Hər kişi kim, əzəldə ol binəsib oldu mə’nidən,
    Ayətü təfsirü kəlam, ana xəbər nə faidə?
    
    Gövhərin üştə qiymətin sərraf olan arif bilir,
    Ol ki, mübəssir olmadı görə göhər nə faidə?
    
    Tutidürür bu şəkkərin dadını, ləzzətin bilən,
    Qarğa nedər bu gülşəni, zağə şəkər nə faidə?
    
    Dərd ilə sən Nəsiminin gövhərini gəl almağıl,
    Aşiq olan kişilərə eşqə süpər nə faidə?
  


    _________________________________________
    Teqlər:  Imadəddin Nəsimi qəzəlləri , 
    İmadəddin Nəsimi nə faidə, qəzəllər, qezeller,
    İmadeddin Nesimi qezelleri, qəzəl, qezel
  
#SevgiŞeirləri|#AyrılıqŞeirləri|#VətənpərvərlikŞeirləri