seirler.info

    Ay ilə gün sücud edər surəti-canfəzayinə,
    Ay ilə gün nədir kim, ol düşməyə xaki-payinə.
    
    Cami-cahannümadur ol, səndə iki cahanı gör,
    Çün görəsən sən olmusan cani-cahanə ayinə.
    
    Faili-mütləqi-yəqin kim ki, dilər görə bu gün,
    Baxsın anın camalına, həqqi görər bu ayinə.
    
    Aşiqi-sadiq oldurur həq yoluna şəhid ola,
    Həq deyəni alır anun durmuş anun bəhayinə.
    
    Yusifi-Misri canü dil, yə’ni ki, Fəzli-zülcəlal,
    Gəldi səfavü zövq ilə şəhri-bədən sərayinə.
    
    Qıldı fəna vücudumu küll kərim ilə kəlam,
    Zərqi-həsən budur ki, şah sandı bu gün gədayinə.
    
    Hər ki, Nəsimitək sücud Fəzli-ilahə qılmadı,
    Div kimi bu gün anı bəlkə bu yolda dayinə.
    


    _________________________________________
    Teqlər:  Imadəddin Nəsimi qəzəlləri , 
    İmadəddin Nəsimi, qəzəllər, qezeller,
    İmadeddin Nesimi qezelleri, qəzəl, qezel,
    surəti-canfəzainə qəzəli, nəsimi canfezaine
    
#SevgiŞeirləri|#AyrılıqŞeirləri|#VətənpərvərlikŞeirləri