seirler.info

    Can eşqə düşdü, ey könül, yarəb, nədir tədbirimiz?
    Can neyləsin, biçarə, çün həqdən budur təqdirimiz.
    
    Mişkin saçın eşqi bizi zəncirə çəkdi, bağladı,
    Yə’ni ki, biz məcnunlarız, şol həlqədir zəncirimiz.
    
    Saqi ləbindən doğmuşuz, yə’ni ki, beydən lam ilə,
    Fitrət günündən ta əbəd şol dayədəndir şirimiz.
    
    Şol gözlərin kirpiginə aşiq necə seyd olmasın,
    Gör kim, nə yaydandır gələn şol zəxmə mərhəm tirimiz.
    
    Çün qirü qarın qiymətin mə’nidə bildin kim, nədir,
    Kafura döndü qarımız, həm ənbər oldu qirimiz.
    
    Zöhdü səlahü tövbənin ərkanın əhli-zərqə sor,
    Eşqə mürid olduq, bu gün eşqi-əbəddir pirimiz.
    
    Dövründə meygun gözlərin abidlərin, zahidlərin
    Zikri budur dilində kim, va zərqü va təzvirimiz.
    
    Eşq əhli iqlimində çün hüsnündür, ey dilbər, məlik,
    Hökmünə məhkum olmuşuq, sultanımızdır, mirimiz.
    
    Əshabi-kəhfin sirrini görmüş liqayi-Turə sor,
    Niçün ki, "vəttur" əhlinin kəhfindədir Qətmirimiz.
    
    Şol sünbüli-pürçin ilə sevdayə düşdüm, nedəvüz,
    Tüccariyiz hüsnün, budur kisbatilə kəşmirimiz.
    
    Qur’andır anın surəti, aydır Nəsimi, şək degil,
    Münkir əgər yox derisə, uş müshəf, uş təfsirimiz.



    _________________________________________
    Teqlər:  Imadəddin Nəsimi qəzəlləri , 
    İmadəddin Nəsimi tədbirimiz, qəzəllər , 
    İmadeddin Nesimi qezelleri , qəzəl , qezel
  
#SevgiŞeirləri|#AyrılıqŞeirləri|#VətənpərvərlikŞeirləri